ਵਿਧਵਾ

ਵਿਧਵਾ
ਤੁਰ ਗਿਓਂ ਤੂੰ , ਅਸੀਂ ਵੇਖੀਏ ਨਾ ਮੂੰਹ
ਦੱਸ ਸਾਡਾ ਹੈ ਕੀ ਕਸੂਰ ਵੇ

ਰਾਤੀ ਰੋਵਾਂ ਕੱਲੀ ,

ਵੇ ਮੈਂ ਹੋ ਗਈ ਆਂ ਝੱਲੀ ,
ਕੋਈ ਆਖੇ ਪਾਗਲ
ਕੋਈ ਡਸੇ ਕਹਿ ਕੱਲੀ
ਗਮਾਂ ਵਿਚ ਹੋਈ ਚੂਰ ਚੂਰ ਵੇ

ਵਾਲ ਵੀ ਨਾ ਵਾਹਵਾਂ ਮੈਂ
ਅਟਕਾ ਨੂੰ ਸਜਾਵਾਂ ਮੈਂ
ਅਜੇ ਤੀਕ ਓਹੀ ਤਨ
ਤੇ ਓਹੀ ਜੋੜਾ ਹੰਢਾਵਾਂ ਮੈਂ
ਜ੍ਡਾਵਾਂ ਨੂੰ ਨਾ ਕਰਾਂ ਖੁਦ ਤੋਂ ਦੂਰ ਵੇ

ਤੱਕ ਤੱਕ ਤੇਰੀ ਤਸਵੀਰ
ਛੁਟੇ ਪਵੇ ਨੈਨੋਂ ਤਤੀਰ
ਕੈਸੇ ਮੇਰੇ ਕਰਮ ਫੁੱਟੇ
ਕਿੰਨੇ ਤੋੜੀ ਲਕੀਰ
ਹੰਝੂ ਫਿਰਦੇ ਨੇ ਲੂਰ ਲੂਰ ਵੇ

ਤੇਰਾ ਮੈਨੂ ਛਡਣਾ
ਕਿਸੇ ਹੋਰ ਜਹਾਂ ਵਿਚ ਵੱਸਣਾ
ਇਸ ਦੁਨਿਆ ਦਾ ਮੈਨੂ
ਰਸਮਾਂ ਦੇ ਵਿਚ ਕੱਸਣਾ
ਢਾਡਾ ਇਹ ਸਾਰਾ ਦਸਤੂਰ ਵੇ

ਦੇਖ ਮੇਰੀ ਰਾਤ ਕਿੱਦਾਂ
ਲੰਘੇ ਤੇਰੇ ਬਗੈਰ ਵੇ
ਕੀ ਪਤਾ ਨੀਂਦਰਾਂ
ਵੱਸਣ ਕਿਹੜੇ ਸ਼ਹਿਰ ਵੇ
ਆਵੇ ਨਹੀਂ ਜਖਮਾਂ ਤੇ ਬੂਰ ਵੇ
ਤੁਰ ਗਿਓਂ ਤੂੰ , ਅਸੀਂ ਵੇਖੀਏ ਨਾ ਮੂੰਹ
ਦੱਸ ਸਾਡਾ ਹੈ ਕੀ ਕਸੂਰ ਵੇ ....ਲਾਲੀ

 

Thanks For visiting my blog.