ਕੋਈ ਐਸੀ ਰਮਜ਼ ਸਿਖਾ ................!!!

ਕੀ ਸੁਣਿਆ ਸਖੀਓ ਮੈਂ ਨੀ ....
ਸੁਣ ਕੇ ਹੁੰਦੀ ਏ ਟੁੱਟ ਭੱਜ
ਨੀ ਮੈਨੂ ਹੱਸਣਾ ਕੋਈ ਦੱਸ ਦੇ
ਮੈਨੂ ਰੋਵਣ ਦਾ ਨਾ ਚੱਜ ...

ਨੀ ਮੇਰੇ ਦਿਲ ਦੇ ਅੰਦਰੇ ਕਿਧਰੇ
ਕੋਈ ਉਠਦੀ ਸੁੱਕੀ ਪੀੜ
ਮੇਰਾ ਸ਼ਾਲੂ ਨੀਲਾ ਹੋ ਗਿਆ
ਵਿਚ ਸੂਲਾਂ ਦਿੱਤੀਆਂ ਬੀੜ

ਕਰੋ ਹੀਲਾ , ਕਰੋ ਵਸੀਲਾ ਨੀ
ਨੀ ਜਾਵੋ ਲਭੋ ਕੋਈ ਦਰਵੇਸ਼
ਹਰ ਪਾਸੇ ਬਿਰਹਾ ਉਡਦਾ
ਮੇਰੀ ਚਲਦੀ ਨਹੀਂ ਓ ਪੇਸ਼ .....

ਕੋਈ ਪਾਵੇ ਠੱਲ ਇਸ ਪੀੜ ਨੂੰ
ਉੱਤੇ ਪਾਣੀ ਦੇਵੇ ਤਰੋੰਕ
ਪਲ ਪਲ ਮੈਨੂ ਖਾਵਂਦੀ
ਜਿਵੇਂ ਲੱਗੀ ਕੋਈ ਸਿਓਂਕ

ਹਰ ਰਾਤ ਕੁਲੇਹਿਣੀ ਲੱਗਦੀ ਹੈ
ਹਰ ਦਿਨ ਪਿਆ ਮੈਨੂ ਘੂਰੇ ਵੇ
ਮਾਰ ਹਾਕਾਂ ਵੀ ਮੈਂ ਹੰਭ ਗਈ ਆ
ਚਲਾ ਗਿਆ ਤੂੰ ਇੰਨਾ ਦੂਰੇ ਵੇ

ਕਿਤੋਂ ਤੋ ਆ ਕੇ ਸੋਹਣਿਆ
ਇੱਕ ਵਾਰੀ ਫੇਰਾ ਪਾ
ਮਰ ਕੇ ਜੀਣਾ ਸਿਖ੍ਲਾਂ
ਕੋਈ ਐਸੀ ਰਮਜ਼ ਸਿਖਾ ...
ਵੇ...............ਕੋਈ ਐਸੀ ਰਮਜ਼ ਸਿਖਾ ................!!!

 

Thanks For visiting my blog.